Уулзалт хэлэлцүүлэг

ЭМЯ-ны төрийн нарийн бичгийн дарга Д.Очирбат,  Хан-Уул дүүргийн нэгдсэн эмнэлгийн барилгын гүйцэтгэгч Хятадын төмөр замын нэгдүгээр групп ХХК болон нүүрсхүчлийн хий бага ялгаруулах технологид мэргэжил арга зүйн зөвлөгөө өгөх Японы Азуса Секкэй ХХК-ний төлөөлөлтэй уулзалтыг зохион байгууллаа.

 Монгол Улсын Засгийн газар болон Азийн хөгжлийн хөгжлийн банкны санхүүжилтээр 2019-2029 онд хэрэгжүүлэх буй “Эмзэг бүлгийн иргэдийн эрүүл мэндийн тусламж үйлчилгээний хүртээмжийг сайжруулах хөрөнгө оруулалтын хөтөлбөр” – төслийн нэгдүгээр шатны ажил хэрэгжиж байна. 

Төслийн нэгдүгээр шатны хамгийн чухал хөрөнгө оруулалт болох Хан-Уул дүүргийн нэгдсэн эмнэлгийн барилга угсралтын ажлын гэрээг 2023 оны 12-р сарын 20-ны өдөр байгуулан, барилгын ажил 2024 оны 5-р сараас эхлээд байна. 

Тус эмнэлэг нь  СХД-ийн нэгдсэн эмнэлгийн жишгээр баригдаж байгаа бөгөөд нэмэлтээр нүүрсхүчлийн хий бага ялгаруулах технологийг нэвтрүүлсэн эмнэлэг болох юм. Эмнэлгийн барилга нь 4 оьектоос бүтсэн, зоорьтой 1-4 давхар, нийт 200 ортой, 150 автомашины зогсоол, орц, гарц бүхий 7-оос дээш төрлийн тусламж үйлчилгээ үзүүлнэ. 

Гүйцэтгэгчийн зүгээс ажлын явцыг танилцуулсан бөгөөд одоогийн байдлаар техникийн барилгын цутгал дуусч, Техникийн блок 90%, А блок 30%, Б блок 5% Төв хэсэг (Подиум) 10%-ийг гүйцэтгэлтэй байна. ,

Нүүрсхүчлийн хий бага ялгаруулах технологийг нэвтрүүлсэн, эмнэлгийн тоног төхөөрөмж суурилагдсан Хан-Уул дүүргийн эмнэлгийг 2026 оны 6 сард ашиглалтанд  оруулж, үйлчлүүлэгчдээ хүлээн авах зорилт дэвшүүлэн ажиллаж байна.

ЭМЯ-ны төрийн нарийн бичгийн дарга Д.Очирбатын зүгээс гүйцэтгэгчийг батлагдсан төлөвлөгөөний дагуу хариуцлагатай ажиллахыг сануулан, төслийг амжилттай хэрэгжүүлэхэд захиалагчийн зүгээс бүх талын дэмжлэг үзүүлэхээ илэрхийлэв.