НТХН, IMС зөвлөх багийн ЧДНЭ-ийн үйл ажиллагаатай танилцах сургалт уулзалт зохион байгуулагдлаа

Эмзэг бүлгийн эрүүл мэндийн тусламж үйлчилгээний хүртээмжийг сайжруулах хөрөнгө оруулалтын хөтөлбөрийн хүрээнд Нэгдсэн төсөл хэрэгжүүлэх нэгж (НТХН) болон төслийн зөвлөх байгууллага Интернэйшнл Медикал Сентер ХХК, Интермед эмнэлгийн CS04 зөвлөх баг, мөн Чингэлтэй дүүргийн нэгдсэн эмнэлгийн (ЧДНЭ) үйл ажиллагаа болон тасаг нэгжийн зохион байгууллалттай газар дээр нь танилцах зорилгоор 2023 оны 06 сарын 12-ны өдрийн 13:00-15:30 цагийн хооронд ЧДНЭ дээр ажиллав. 

НТХН-ийн талаас: 

1. Г.Баясгалан, Төслийн зохицуулагч 
2. Ш.Оюунбилэг, Хяналт үнэлгээний мэргэжилтэн 
3. Д.Оюунтуяа, Эмнэлгийн тусламж үйлчилгээ хариуцсан мэргэжилтэн

Зөвлөх CS04 багийн талаас: 

1. Т.Болормаа, Багийн дэд ахлагч, Эмнэлгийн удирдлагын зөвлөх
2. Я.Нямтогтох, Санхүүгийн менежментийн зөвлөх
3. И.Бат-Эрдэнэ, Чанарын удирдлагын зөвлөх
4. Д.Энхтуяа, Хүний нөөцийн зөвлөх
5. Н.Батболд, Эмнэлгийн засвар үйлчилгээний зөвлөх
6. Д.Энхбат, ТХХТ – ийн зөвлөх
7. М.Уранчимэг, төслийн зохицуулагч 

Чингэлтэй дүүргийн нэгдсэн эмнэлгийн талаас:

1. Н.Нямсүрэн, ЧДНЭ-ийн даргын үүргийг түр орлон гүйцэтгэгч
2. Б.Равжих, Эдийн засаг, хөрөнгө оруулалтын албаны дарга
3. Б.Урамбаяр, Төлөвлөлт, даатгал, статистикийн албаны дарга
4. Л.Уяахүү, Чанар, аюулгүй байдлын албаны дарга
5. Ц.Энхжин, Хүний нөөцийн менежер
6. Х.Чинзориг, Эмчилгээ эрхэлсэн орлогч дарга нар оролцлоо.

Төслийн зохицуулагч Г.Баясгалан тус эмнэлэг дээр төслийн хүрэээнд хийгдэх үйл ажиллагаа, хугацаа болон барилга төлөвлөлтийн талаар товч танилцуулж ЧДНЭ-ийн даргын үүргийг түр орлон гүйцэтгэгч Н.Нямсүрэн эмнэлгийн үйл ажиллагааны ерөнхий танилцуулга хийж, Эмнэлгийн төлөвлөлт, барилга байгууламжийн одоогийн нөхцөл байдлын талаар мэдээлэл хийлээ.