Уулзалт хэлэлцүүлэг

ЗӨВЛӨЛДӨХ УУЛЗАЛТ ЗОХИОН БАЙГУУЛЛАА.

Азийн хөгжлийн банкны санхүүжилтээр хэрэгжиж буй “Эмзэг бүлгийн иргэдийн эрүүл мэндийн тусламж үйлчилгээний  хүртээмжийг сайжруулах хөрөнгө оруулалтын хөтөлбөр” төслийн хүрээнд хэрэгжиж буй Сонгинохайрхан дүүргийн 26-р хороонд шинээр Өрхийн эрүүл мэндийн төв баригдахаар холбогдох ажлууд хийгдэж байна. 

Энэ ажлын хүрээнд СХД-н 26-р хорооны иргэдэд төслийн мэдээллийг хүргэх зорилгоор 2024 оны 9 дүгээр сарын 11 өдөр Нэгдсэн Төсөл хэрэгжүүлэх нэгж болон СХД-ийн ЗДТГ хамтран зөвлөлдөх уулзалтыг зохион байгууллаа.

Уг зөвлөлдөх уулзалтаар хорооны иргэдэд баригдах ӨЭМТ-ийн барилгын мэдээлэл, АХБ-аас баримтлах нийгмийн хамгаалал болон байгаль орчны хамгааллын бодлогууд, санал хүсэлт шийдвэрлэх журмын танилцуулга зэргийг хүргэж, тэдний санал бодлыг сонсож ажиллав. 

Уулзалтанд СХД-ын орлогч дарга, СХД-ийн эрүүл мэндийн төвийн орлогч дарга, Нийгмийн бодлогын хэлтэс, 26-р хорооны ӨЭМТ, Төсөл хэрэгжүүлэх нэгжийн барилгын инженер, газрын асуудал хариуцсан зөвлөх, байгаль орчны зөвлөх, хорооны иргэд зэрэг 50 гаруй хүн оролцсон маш үр дүнтэй уулзалт боллоо.